حكاية حقيقية

احنا تلات اخوات ولد على بنتين

للأسف الولد هو اصغرنا وانا عندى 30 سنه واختى الكبيره 45 سنه

من بعد موت ابويا والبيت حاله اتغير، حاله من الغموض والكسل والخمول موجوده عندى وعند اخويا، برغم انه كان صغير وفى عز شبابه الا ان طاقته كانت ضعيفه اوى معرفش ليه

لـ احمد محمود محمد

حكايه حقيقيه

ولما نروح لأى دكتور وبعد الاشعه والتحاليل كلهم يقولوا انه كويس خالص وحالته الصحيه كويسه جداً،

وأول ما يفكر يخطب الخطوبه تبوظ فجأه كده من غير اى مقدمات ومن غير اى اسباب فجأه نلاقى اهل العروسه بعتوا لينا الدهب مع كلمه شُكر وان كُل شيئ قسمه ونصيب

ديماً قاعد لوحده عكس ما كان زمان بيحب الناس وبيجب يخرج

كلامه بقى قليل اوى لدرجه انه ميتكلمش الا لو حد مننا اتكلم معاه،

كل ده حصله بعد موت ابويا، ولما قعدنا انا واختى الكبيره ” زينات ” علشان نشوف حل قالت نعرضه على دكتور نفسى

يمكن موت ابويا أثر فيه، بس برضوا الدكتور قال انه سليم ومفيش فيه اى مشكله، والظاهر ان دى طباعه

بس انا عارفه طباع اخويا كويس هو فعلاً اتغير خالص من بعد موت ابويا،

فى نفس الوقت انا كبرت، وكل ما حد يتقدملى الجوازه متكملش، مع انى الحمدلله على قدر عالى من الجمال، والاحترام وغير كده شغاله مُدرسه، بس مبقتش عارفه ليه كل واحد يزورنا ويقعد معانا يشوفنى ويُعجب بيا وتقريباً نتفق على كل حاجة وفى الاخر يمشى من غير سبب بدأت اشك أننا مأذيين.

كلمت واحد اعرفه يوصلنى بأى شيخ علشان يشوفنا انا واخويا، بس زينات كانت رافضه وقالت ان ده جهل وان ربنا رايدلك الخير مع حد تانى عشان كده كل اللى بييجى وبيمشى مش خير ليكى، كلامها مكنش مقنع بالنسبالى هو اه كل حاجة بأيد ربنا وربنا اكيد بيختار ليا اللى فيه الخير، بس كتير من العرسان اللى اتقدمت كويسه ادب واخلاق وجاهزين كمان،

بعد ما كلمت الشيخ وعرفته حالتى قالى انى مسحوره وشاربه السحر ده، وعملى جلسه كانت صعبه اوى عليا عشان مكنتش حاسه غير بتنميل وتُقل فى دماغى وايديا، ورجليا مكنتش شيلانى وبعد الجلسه التانيه بقيت كويسه، وطلب منى مشربش حاجة من أيد حد حتى لو قريب منى، وأكد أن اخويا هو كمان مأذى أذى جامد، وحددله ميعاد جلسه هو كمان،

وبعدها بفتره اتقدملى شخص كويس اوى وجاهز وغير كده متدين ويعرف ربنا كويس، واخويا بدأ يتحسن..

وبعد تلات شهور جواز بس اتغير معايا بقى عصبى جداً وديما بيشك فيا، كل شويه يمسك تليفونى ويفتش فيه.. وعنده يقين انى بخونه وبكلم حد عليه، ده غير انه كان ديماً يتخانق معايا على اتفه الاسباب، وبرغم عشرتى الصغيره معاه قبل ما يتحول كده، الا أنى متأكده أن فيه حاجه غلط بتحصل. وأن ده مش الراجل اللى انا اخترته، والانيل أن حالة اخويا رحعت اسوء من الاول ولسه بيترفض من كل واحده يروح يتقدم ليها، لحد ما سبت بيت جوزى ورحعت بيت ابويا، وفى مره من المرات اتصل عليا رقم انا معرفهوش، رقم غريب عنى ومفيش عليه اى بيانات..

رديت لقيته الشيخ اللى عالجنى انا واخويا قبل كده، بيتكلم بصوت عالى وفيه دوشه حوليه وقالى انى لازم اروح المقابر بتاعت العيله، مكنتش فاهمه ليه بس روحت

لقيته واقف مستنى وفيه ناس كتيره وكاميرات بتصور والظاهر انهم بينضفوا المقابر، ولما قربت منه ادالى عروسه كده صغيره معموله من قطن، مكتوب عليها

نكد وشك وفـ ـراق وخيـ ـانه وقتـ ـ ـل ومحطوط صورتى انا وصوره جوزى،

، مكتوب عليها

نكد وشك وفـ ـراق وخيـ ـانه وقتـ ـ ـل ومحطوط صورتى انا وصوره جوزى، ده غير أن فيه قفل من غير مفتاح محطوط بين رجلين العروسه دى، ولما سألت ايه ده؟!

قالى انى معمولى عمل بكل ده والقفل معناه إما الزنـ ـا والعياذ بالله او مش هعرف اخلف، بس اللى لفت نظرى أكتر ان العروسه دى انا عرفاها كويس اوى، دى من صناعه اختى الكبيره لأنها كانت غاويه صناعه العرايس اللى من النوع ده، من زمان اوى..

اختى هى الل. عملت ليا ولأخويا الاعمال دى، واتجددت الاعمال يوم ما عزمتنا انا واخويا وجوزى على الغداء، لأن فعلا من يومها وجوزى اتحول

ولما واحهتها قالت انها مكنتش حابه تشوفنى احسن منها، وكانت غيرانه منى أن كل يوم يتقدم ليا عربس وهى مُطلقه ومحدش معبرها، حتى ابنها عايس مع ابوه فى قطر..

ولما سألتها اخويا ذنبه ايه، قالت انها خافت انه ياخد منهم الميراث كله ومتحصلش من وراه لا ابيض ولا اسود..

وبررت اللى عملته ده انها كانت بتحافظ على حقها وحقى، من اخونا الصغير!

ودلوقتى بقالنا خمس سنين انا واخويا مقاطعينها ومنعرفش عنها حاجه ولا حابين نعرف، والحمدلله حياتى مع جوزى استقرت وخلفت بنت، واخويا كمان اتجوز وخلف.

انتهت