“في الدولاب القديم اللي في أوضة أمه”
محمود اتفاجئ
“أمه؟”
“أيوه… رامي كان مخبي باسم أمه ومحدش يعرف إنه بيستخدمها”
أنا حسيت إن الموضوع كبر بشكل يخوف
وقلت
“طب وإنتي ليه ما روحتيش جبتي الأوراق؟”
سلمى نزلت عينيها وقالت
“لأني كل ما كنت بحاول أروح هناك كان بيراقبني”
محمود سكت شوية وبعدين قال
“خلاص… محدش هيروح لوحده”
وبعدها اتصل بمحامي يعرفه وحكاله كل اللي حصل
وبالفعل بعد وقت قصير حضر ضابط ومعاه قوة
سلمى كانت مرعوبة وهي بتديهم المفتاح
وراحوا كلهم
وأنا فضلت في البيت مع سلمى
بعد حوالي ساعة محمود رجع
بس وشه كان متغير
بصيتله وقلتلُه
“في إيه؟”
قعد على الكرسي وقال
“اللي لقيناه هناك أخطر بكتير من الأوراق”
سلمى قامت بسرعة
“لقيتوا إيه؟”
محمود بص لها وقال
“لقينا ملفات بأسماء ناس كتير”
سلمى قربت منه
“يعني إيه؟”
قال
“واضح إن رامي مش مجرد موظف بيزوّر فواتير”
وبعدين طلع صورة من موبايله
وقال
“الراجل ده كان جزء من شبكة نصب كبيرة”
سلمى حطت إيدها على بوقها
وفجأة محمود قال
“وفي حاجة تانية”
بصيتله
“إيه؟”
قال
“لقينا ملف باسمك يا سلمى”
سلمى اتجمدت
“باسمي أنا؟”
هز راسه
“أيوه”
وبعدين سكت لحظة وقال
“واللي مكتوب جواه هو السبب الحقيقي اللي مخلي رامي مستميت إنه يوصلك”
سلمى بصتله وهي بتترعش
“إيه اللي مكتوب؟”
محمود فتح الصورة على الموبايل
وأول ما شافتها سلمى صرخت
“مستحيل!”
أنا قربت منها وقلتلها
“إيه اللي حصل؟”
بصتلي ودموعها نزلت وقالت
“رامي مش هو اللي كان بيهددني…”
سكتت لحظة
وبعدين قالت
“في حد أكبر منه هو اللي أمره يراقبني”
محمود قال
“مين؟”
سلمى رفعت عينيها علينا وقالت اسم الشخص
والاسم ده خلاني أبص لمحمود في صدمة
لأن الشخص اللي قالت اسمه كان حد من عيلتنا إحنا.سلمى قالت الاسم بصوت مكسور
“عمي حمدي”
أنا اتجمدت مكاني
بصيت لمحمود وقلت
“حمدي أخوك؟”
محمود فضل ساكت ثواني وكأنه مش قادر يستوعب
وبعدين قال لسلمى
“إنتي متأكدة من اللي بتقوليه؟”
سلمى هزت راسها
“أنا شفت اسمه بنفسي في الورق”
محمود مد إيده ياخد الموبايل وبص للصورة
وكان فيه جدول مكتوب فيه أسماء ومبالغ وتواريخ
وفي آخر الصفحة كان اسم حمدي واضح
محمود حط الموبايل على الترابيزة وقال
“أنا مش مصدق”
سلمى قالت
“أنا كمان مكنتش مصدقة في الأول”
وبعدين بدأت تحكي
“بعد ما اكتشفت شغل رامي وقررت أسيب المحل هو حاول يمنعني. وفي مرة قاللي إن اللي وراه أكبر مني ومنه وإن لو اتكلمت هتندم”
أنا سألتها
“طب إنتي عرفتي إن عمك هو اللي وراه إزاي؟”
قالت
“قبل ما أهرب بيوم سمعت رامي بيتكلم في التليفون وبيقول اسم عمي حمدي”
محمود ضرب إيده على الترابيزة
“ليه يعمل كده؟”
سلمى ردت
“علشان فلوس”
وبعدين طلعت ورقة من الظرف
“المحل اللي كنت بشتغل فيه كان مجرد واجهة”
محمود بص لها
“واجهة لإيه؟”
قالت
“كانوا بيستخدموا فواتير مزورة عشان يهربوا فلوس من شركات تانية”
أنا بصيت لمحمود وقلت
“يعني سلمى كانت عارفة كل ده؟”
سلمى هزت راسها
“عرفت بالصدفة”
وبعدين قالت
“وأنا لما خفت وهربت كنت فاكرة إنهم هيسيبوني”
سكتت وبدأت تعيط
“بس رامي فضل ورايا”
محمود قام وقال
“خلاص الموضوع خرج من إيدنا”
وبالفعل تاني يوم راح محمود ومعاه سلمى والمحامي وقدّموا كل الأوراق للشرطة
لكن المفاجأة إن حمدي اختفى
تليفونه مقفول
بيته مقفول
وحتى عربيته مش موجودة
مر يومين وإحنا عايشين في توتر
وفي اليوم التالت وأنا في المطبخ سمعت جرس الباب
فتحت من العين السحرية
لقيت حمدي واقف لوحده
اتخضيت وقفلت الباب بسرعة
وناديت محمود
محمود جه وبص من العين السحرية
وبعدين قال
“سيبيه يدخل”
بصيتله باستغراب
“إنت مجنون؟”
قال
“لو هربان ومستخبي أكيد مش جاي هنا عشان يعمل مشكلة”
فتح الباب
دخل حمدي وهو مرهق وشكله مختلف تمامًا عن كل مرة شوفناه فيها
قعد وقال
“أنا عارف إنكم فاكريني مذنب”
محمود رد
“والأوراق؟”
حمدي نزل عينه
“الأوراق حقيقية”
سلمى شهقت
“يعني إنت اللي كنت ورا رامي؟”
حمدي قال
“أنا كنت عايز أخوفك بس”
محمود انفجر فيه
“تخوف بنت أخوك؟!”
حمدي قال بسرعة
“أنا غلطت… بس في حاجة إنتوا مش عارفينها”
محمود سكت
حمدي بص لسلمى وقال
“رامي كان بيستغل اسمك من غير ما تعرفي”
سلمى قالت
“إزاي؟”
حمدي أخرج ظرف من جيبه وحطه على الترابيزة
وقال
“لأن رامي كان مزور توقيعك على مستندات بملايين الجنيهات”
سلمى فتحت الظرف
وأول ما شافت الأوراق وقعت على الكرسي
وقالت
“يعني أنا ممكن أتحاسب على حاجة معملتهاش؟”
حمدي هز راسه
“علشان كده كنت بحاول أخليكي تختفي لحد ما ألاقي دليل يثبت براءتك”
محمود بص له بغضب
“ولو كنت قلتلنا من الأول بدل التهديد والخوف؟”
حمدي ما ردش
وفي اللحظة دي وصل للموبايل بتاع محمود اتصال من الضابط
رد عليه
وسمعناه بيقول
“أيوه يا فندم…”
وبعد ثواني وشه اتغير
قفل المكالمة وبص لنا
وقال
“رامي اتقبض عليه”
سلمى تنفست براحة
لكن محمود كمل
“بس قال إن فيه شخص تاني هو اللي كان بيمول كل حاجة”
سلمى بصتله بخوف
“مين؟”
محمود رد
“لسه الشرطة بتحاول تعرف”
وفجأة حمدي وقف
وبص لمحمود وقالأنا عارف مين الشخص ده”
سكت الجميع
وقال حمدي
“وهو مش غريب عننا…”
ثم نظر إلى منى مباشرة وقال
“هو الشخص اللي كان بيحاول يشتري العمارة اللي إنتوا ساكنين فيها.”
يتبع…محمود فضل باصص لحمدي وهو مش فاهم
“يعني إيه الشخص اللي عايز يشتري العمارة؟”
حمدي قال
“اسمه فؤاد الشامي”
أنا اتخضيت
“فؤاد؟ صاحب مكتب العقارات اللي جه هنا من شهرين؟”
محمود هز راسه
“أيوه هو”
حمدي قال
“فؤاد كان عايز العمارة كلها تتباع عشان يعمل مكانها مشروع كبير. المشكلة إن فيه كذا أصحابها رفضوا يبيعوا”
محمود قال
“وإيه علاقة سلمى بالموضوع؟”
حمدي رد
“سلمى كانت شغالة في المحل اللي فؤاد بيستخدمه كواجهة لبعض تعاملاته. وهي شافت مستندات مكنش المفروض تشوفها”
سلمى قالت
“يعني رامي كان بيراقبني بأمر منه؟”
“أيوه”
سكتنا كلنا
وبعدين حمدي بص لمحمود وقال
“بس فيه حاجة أخطر”
محمود قال
“إيه؟”
حمدي رد
“فؤاد كان عايز يوقعكم أنتم بالذات”
أنا حسيت بقشعريرة
“ليه إحنا؟”
قال
“لأن شقتكم في الدور الأرضي ومكانها مهم بالنسبة للمشروع”
محمود ضرب إيده على الترابيزة
“يعني كل اللي حصل لسلمى كان علشان العمارة؟”
حمدي قال
“جزء كبير منه”
سلمى بصتلي وقالت
“أنا آسفة يا طنط منى”
أنا بصيتلها وقلت
“إنتي غلطتي معايا وأنا مش هنسى اللي عملتيه… بس أنا كمان مش هسيبك لو إنتي مظلومة”
سلمى انفجرت في العياط
محمود قرب منها وقال
“من النهارده كل حاجة هتتم بالقانون”
وفعلًا تاني يوم الشرطة استدعت فؤاد للتحقيق
في البداية أنكر كل حاجة
لكن الضابط واجهه بالتسجيلات والمستندات اللي اتجمعت من رامي
ساعتها بدأ يتكلم
واعترف إن رامي كان بيضغط على أصحاب الشقق اللي رفضوا البيع
لكن المفاجأة كانت إن محمود نفسه كان موجود اسمه في ملف قديم
أنا بصيت لجوزي بصدمة
“اسمك إنت؟”
محمود مسك الورقة
